कमला नेहरू १९३६ साली वारल्या मग प्रियांका गांधी नेहरूंची पत्नी म्हणून कुणाचा उल्लेख करतायेत?

प्रियांका गांधींच्या नेहरूंबद्दलच्या एका ट्विटचा स्क्रिनशॉट (priyanka gandhi on pandit nehru) आणि त्याखालील कमेंट सध्या सोशल मीडियात व्हायरल होत आहे. १९३६सालीच कमला नेहरू वारल्या मग पंडित नेहरू पंतप्रधान झाल्यानंतरच्या प्रसंग वर्णनात प्रियांका गांधी ‘went to his room to sleep with his wife’ असा उल्लेख कसा काय करत आहेत? या सवालाच्या खिल्ली उडवणाऱ्या पोस्ट व्हायरल होतायेत.

फेसबुक युजर ‘राकेश कृष्णन थिय्या’ यांनी “कमला नेहरू १९३६ साली वारल्या, पंडित नेहरू पंतप्रधान बनण्याच्या ९ वर्षे अगोदर मग हा प्रश्न बरोबर नाही का? कुणाच्या बायकोसोबत ते झोपले?” अशा शब्दांत कॅप्शन देत तो स्क्रिनशॉट शेअर केलाय. ही पोस्ट अनेकांनी शेअर केलीय.

Any truth in this tweet?Kamala Nehru died in 1936, nine years before Nehru became the PM. So isn't it a legitimate question… Whose wife did he sleep with?
Posted by Rakesh Krishnan Thiyya on Wednesday, 27 January 2021

अर्काइव्ह लिंक

फेसबुकवर खूप मोठ्या प्रमाणात हा स्क्रिनशॉट शेअर होत आहे.

viral fb posts about Nehru and wife — Source: Facebook

हेच दावे अशाच शब्दांत ट्विटरवर देखील व्हायरल होतायेत.

When Kamala Nehru died in 1936 then with whose wife did your Great Grandfather slept at 3 am when he returned from office as a Prime Minister?@priyankagandhi @INCIndia #wednesdaythought pic.twitter.com/woSR3CY9xJ
— Rahul Joshi (@RahulJo22112467) January 27, 2021

अर्काइव्ह लिंक

पडताळणी:

‘चेकपोस्ट मराठी’ने व्हायरल स्क्रिनशॉटची पडताळणी करण्यासाठी सर्वात आधी कमला नेहरू यांच्या मृत्यूची तारीख तपासली. १८ फेब्रुवारी १९३६ रोजी त्याचं निधन झाल्याचं समजलं.

त्यानंतर आम्ही प्रियांका गांधी यांचे मूळ ट्विट शोधून पाहिले. यात सत्याचा उलगडा झाला.

My favourite story about my great-grandfather is the one about when as PM, he returned from work at 3 am to find his bodyguard exhausted and asleep on his bed. He covered him with a blanket and slept on an adjacent chair. #JawaharlalNehru pic.twitter.com/HDDiC1hked
— Priyanka Gandhi Vadra (@priyankagandhi) November 14, 2019

प्रियांका यांच्या मूळ ट्विटमध्ये ‘He covered him with a blanket and slept on an adjacent chair.’ असे शेवटचे वाक्य आहे. म्हणजेच नेहरूंनी त्यांच्या सुरक्षारक्षकाच्या अंगावर पांघरून टाकले आणि ते स्वतः शेजारच्या खुर्चीवर जाऊन झोपले.’ परंतु व्हायरल स्क्रिनशॉटमध्ये शेवटच्या वाक्यात छेडछाड करून ‘He covered him with a blanket and went to his room to sleep with his wife’ असे केले आहे. म्हणजेच ‘नेहरूंनी सुरक्षा रक्षकाला पांघरून टाकले आणि ते स्वतःच्या रूममध्ये जाऊन पत्नीसह झोपले’ अशा अर्थाचे वाक्य लिहिले गेले.

Priyanka Gandhi tweet comparison checkpost marathi

वस्तुस्थिती:

‘चेकपोस्ट मराठी’च्या पडताळणीमध्ये हे स्पष्ट झाले की प्रियांका गांधींच्या १४ नोव्हेंबर २०१९ रोजीच्या नेहरूंविषयीच्या ट्विटमध्ये (priyanka gandhi on pandit nehru) छेडछाड करून त्याखाली रिप्लाय लिहून त्या एडिटेड ट्विटचा स्क्रिनशॉट व्हायरल केला गेलाय. मूळ ट्विटमध्ये पत्नीचा उल्लेख कुठेही नाहीये. त्यामुळे कमला नेहरू यांच्या मृत्युच्या वर्षाचा आणि प्रियांका गांधींनी वर्णन केलेल्या प्रसंगाचा काहीएक संबंध नाही.

हेही वाचा: फिरोज गांधी हे ‘गांधी’ नव्हे तर ‘खान’ सांगण्यासाठी फिरवल्या जाणाऱ्या फोटोतून फिरोज गांधीच गायब !