Press "Enter" to skip to content

झाकीर नाईकच्या ‘इस्लामिक रिसर्च फाउंडेशन’कडून हिंदू वेद-उपनिषदांमध्ये चुकीचे बदल केले जाताहेत?

सोशल मीडियावर पारंपरिक मुस्लीम पेहरावात दिसणाऱ्या पुस्तकांच्या ढिगाऱ्याजवळ बसलेल्या काही युवकांचा फोटो शेअर केला जातोय. त्यांच्यासमोरील पुस्तकांमध्ये अथर्ववेद (atharva veda) देखील बघायला मिळतोय. सोशल मीडियावरील दावा केला जातोय की झाकीर नाईकच्या (Zakir Naik) अध्यक्षतेखालील ‘इस्लामिक रिसर्च फाउंडेशन’कडून हिंदू वेद-उपनिषदांमध्ये चुकीचे बदल करून ते प्रकाशित करत आहे.

Advertisement

ट्विटरवर राजेश सूर्यावा या युजरकडून अशा प्रकारचा दावा करणाऱ्या लेखाची लिंक शेअर करण्यात आली आहे. ‘इंडियारिपोर्टरटुडे’ या वेबसाईटवर लेख प्रसिद्ध करण्यात आला आहे. आर्य समाजाच्या तपासात समोर आले आहे की हिंदू वैदिक साहित्य चुकीच्या पद्धतीने छापले जात आहे. या माध्यमातून वेदांचे इस्लामीकरण केले जात आहे. वेदांमध्ये इस्लामच्या अनुरूप बदल घडवले जाताहेत, अशा प्रकारचे दावे या लेखात करण्यात आले आहेत.

अर्काइव्ह

हाच फोटो यापूर्वी देखील व्हायरल झाला होता. त्यावेळी देखील दावा करण्यात आला होता की मुस्लिम युवकांकडून हिंदू वेद-उपनिषदांमध्ये चुकीचे बदल केले जाताहेत.

पडताळणी:

चेकपोस्ट मराठीने सर्वात आधी व्हायरल पोस्टमधील इमेज रिव्हर्स सर्च करून पाहिली असता ‘द हिंदू’ची २ एप्रिल २०१४ रोजीची बातमी बघायला मिळाली. त्या बातमीमध्ये सदर फोटो वापरण्यात आला होता.

बातमीत वापरलेल्या फोटोखाली ‘Students at Al Mahadul Aali Al Islami studying the Vedas to understand the common attributes in Islam and Hinduism. This seminary has more than 1000 books on other religions at Hyderabad’ असे कॅप्शन वाचायला मिळतेय.

हिंदू आणि इस्लाम धर्मातील समान शिकवण समजून घेण्यासाठी वेदांचा अभ्यास करणारे ‘अल महादुल अली अल इस्लामी’चे विद्यार्थी (Muslim youth Hindu Vedas) हैदराबादमध्ये झालेल्या या सेमिनारमध्ये तब्बल एक हजारहून अधिक धार्मिक पुस्तकांचा समावेश होता, अशी माहिती त्या कॅप्शन मधून समजते.

फोटो जर्नलिस्ट जी. रामकृष्ण’ यांनी हा फोटो क्लीक केलेला आहे.’ विद्यार्थ्यांनी आधुनिक विज्ञानासह धार्मिक बाबींचाही अभ्यास करावा यासाठी उचलण्यात आलेले हे पाउल असल्याचे बातमीत सांगण्यात आले आहे.

Muslim students studying other religions The hindu news
Source: The Hindu

वस्तुस्थिती:

‘चेकपोस्ट मराठी’च्या पडताळणीमध्ये स्पष्ट झाले आहे की झाकीर नाईकच्या ‘इस्लामिक रिसर्च फाउंडेशन’कडून हिंदू वेद-उपनिषदांमध्ये चुकीचे बदल केले जात असल्याच्या दाव्यासह शेअर केल्या जात असलेल्या फोटोचा ‘इस्लामिक रिसर्च फाउंडेशन’शी काहीही संबंध नाही.

सदर फोटो ‘द हिंदू’च्या २०१४ सालच्या बातमीमधील आहे. फोटोत दिसणारे मुस्लिम तरुण विद्यार्थी असून हैदराबादमध्ये आयोजित केलेल्या सेमिनारमध्ये विविध धर्मांचा अभ्यास करत आहेत.

आर्य समाजाकडून हिंदू वेद-उपनिषदांमध्ये चुकीचे बदल केले जात असल्यासंबंधीचा कुठलाही खुलासा करण्यात आलेला नाही. सदर फोटोसोबतचे दावे चुकीचे आहेत.

हेही वाचा: मध्य प्रदेश सरकारने ‘पाकिस्तान जिंदाबाद’ची घोषणाबाजी झालेली ‘गफूर वस्ती’ उध्वस्त केल्याचे दावे फेक!

(तुम्हालाही एखाद्या बातमीच्या खरेपणावर संशय आहे? एखादा फोटो किंवा व्हिडीओ चुकीच्या माहितीसह व्हायरल होतोय असे वाटतेय? मग अशी संशयास्पद माहिती आमच्या (9172011480) या अधिकृत व्हाट्सएप नंबरवर पाठवा. आम्ही तुमच्यासाठी बातमीची सत्यता पडताळू.

आपण फेसबुकट्विटर आणि इंस्टाग्रामच्या माध्यमातून देखील आमच्याशी जोडले जाऊ शकता) 

More from धर्म-संस्कृतीMore posts in धर्म-संस्कृती »

3 Comments

Leave a Reply

Your email address will not be published.

×

Powered by WhatsApp Chat

× न्यूज अपडेट्स मिळवा