fbpx Press "Enter" to skip to content

डॉ. बाबासाहेब आंबेडकरांचा फोटो अमेरिकेतल्या बसवर? काय आहे व्हायरल फोटोचे सत्य?

सोशल मीडियावर एका बसचा फोटो मोठ्या प्रमाणात व्हायरल होतोय. फोटोत विदेशातील चकाचक रस्त्यावर धावणारी एक बस आणि त्या बसवर डॉ. बाबासाहेब आंबेडकरांच्या फोटोचं पोस्टर (Ambedkar on bus) असल्याचं दिसतंय.

Advertisement

सोशल मीडिया युजर्सकडून दावा करण्यात येतोय अमेरिकेतील कोलंबियामधील रस्त्यावर धावणारी ही सिटी बस असून, ही बस बाबासाहेबांच्या सन्मानार्थ सुरु करण्यात आली आहे.

“हा खरा बाबासाहेबांचा सन्मान आहे. अमेरिका अजूनही बाबासाहेबांना आपला आदर्श मानते कारण बाबासाहेबांनी आपल्या पदवी दरम्यानच्या काळात प्रबंध म्हणून लिहिलेल्या पुस्तकावरच अमेरिकेची अर्थव्यवस्था आधारित आहे” असा दावा फोटो सोबत करण्यात येतोय.

https://www.facebook.com/photo.php?fbid=173496217586047&set=a.116401753295494&type=3&theater

अर्काइव्ह पोस्ट

याच कॉपी पेस्ट दाव्यांसह हाच फोटो ट्विटरवर देखील मोठ्या प्रमाणात व्हायरल होतोय.

अर्काइव्ह पोस्ट

पडताळणी:

व्हायरल फोटोकडे बघताच तो फोटो एडिट करण्यात आलेला आहे, हे लक्षात यावं अशाप्रकारचं एडिटिंग आहे. त्यामुळे आम्ही फोटोची पडताळणी सुरु केली. व्हायरल फोटो गुगल रिव्हर्स इमेजच्या मदतीने शोधला असता आम्हाला विकिमिडीयावर हा फोटो मिळाला.

विकिमिडीयानुसार हा फोटो इंग्लडमधील बाथ या शहरातील सिटी बसचा आहे. हा फोटो २८ जुलै २००८ रोजी एड्रियन पिंगस्टोन यांनी घेतलेला आहे.

व्हायरल फोटो आणि मूळ फोटो यांची तुलना केली असता बहुतेक गोष्टी सारख्याच असल्याचे आपल्या लक्षात येईल. फक्त दोन्ही फोटोतील बसवरील फोटो बदललेला आहे. मूळ फोटोतील बसवरील फोटो एडिट करून त्याठिकाणी डॉ. बाबासाहेब आंबेडकरांचा फोटो (Ambedkar on bus) लावण्यात आला आहे.

comparison of bus pics with and without Babasaheb Ambedkar's photo checkpost marathi

व्हायरल फोटोतील बसवर बाबासाहेबांचा जो फोटो आहे, तो देखील शोधण्याचा आम्ही प्रयत्न केला. सदर फोटो आम्हाला आउटलुकच्या फोटो गॅलरीत बघायला मिळाला. फोटोच्या कॅप्शननुसार बाबासाहेबांसोबत त्यांच्या पत्नी सविता दिसताहेत.  

आपल्यापैकी बहुतेक वाचकांना कल्पना असेलच की बाबासाहेबांनी कोलंबिया विद्यापीठातून शिक्षण घेतले होते. ‘वेटिंग फॉर ए वीजा’ हे बाबासाहेबांचं आत्मचरित्रपर लिखाणाचं पुस्तक आज देखील कोलंबिया विद्यापीठाच्या अभ्यासक्रमात समाविष्ट आहे.

वस्तुस्थिती:

‘चेकपोस्ट मराठी’च्या पडताळणीमध्ये हे स्पष्ट झाले आहे की सोशल मीडियावर बाबासाहेबांचा अमेरिकेतील कोलंबियाच्या सिटी बसवरील म्हणून व्हायरल फोटो एडिटेड आहे.

मूळ फोटो देखील अमेरिकेतील नसून इंग्लडमधील एका सिटी बसवरील फोटो एडिट करून त्यावर बाबासाहेबांचा फोटो सेट करण्यात आला आहे.

हे ही वाचा- कोथिंबिरीच्या उत्पादनातून साडेबारा लाख रुपये कमावणाऱ्या शेतकऱ्याचा फेक फोटो व्हायरल!

More from समाजकारणMore posts in समाजकारण »

Be First to Comment

    Leave a Reply

    Your email address will not be published.

    × न्यूज अपडेट्स मिळवा