इटलीने 'WHO'च्या नियमावली विरुद्ध 'कोव्हीड१९' मृताची अटोप्सी केल्याने समोर आले सत्य?

इटलीने ‘जागतिक आरोग्य संघटनेच्या’ म्हणजेच ‘WHO’च्या नियमावली विरुद्ध जाऊन ‘कोव्हीड१९’ मुळे मृत्यू झालेल्या व्यक्तीचे शवविच्छेदन केल्याने सत्य समोर आल्याचे दावे करणारे मेसेज सध्या सोशल मीडियात वेगाने व्हायरल होतायेत. (italy autopsy covid19)

हा कुठला व्हायरस नसून हे जागतिक षडयंत्र आहे. ‘ऐमप्लीफाईड ग्लोबल 5G इलैक्ट्रोमैगनेटिक रेडिएशन’ मुळे हे सर्व घडत असल्याचा दावा त्यात केलाय.

व्हायरल मेसेज मधील ठळक दावे:

इटलीने WHOच्या नियमावलीचे उल्लंघन करत कोरोनामुळे मृत्यू झालेल्या रुग्णाचे पोस्टमॉर्टम केले. (italy autopsy covid19)
त्यात समजले हे व्हायरसमुळे नव्हे तर बॅक्टेरियामुळे घडते आहे.

त्या बॅक्टेरियामुळे रक्तात गाठी होतात आणि रक्त अडून राहते आणि रुग्णाचा मृत्यू होतो.
या बॅक्टेरिया ‘5G रेडीएशन’मुळे पसरत आहेत.
Aspirin 100 mg हे औषध घेतल्यास यातून वाचू शकतो.

हे असे मेसेज व्हायरल होत असल्याचं ‘चेकपोस्ट मराठी’चे वाचक सुनील जैन, राजेश दुर्गे आणि ज्ञानेश मगर यांनी निदर्शनास आणून दिले आणि पडताळणी करण्यास सांगितली.

याच (italy autopsy covid19) माहितीच्या आधारे बनवलेला एक व्हिडीओसुद्धा फेसबुकवर व्हायरल होत आहे.

इटली विश्व का पहला देश बन गया है जिसनें एक कोविड-19 से मृत शरीर पर अटोप्सी (पोस्टमार्टम) किया और एक व्यापक जाँच करने के बाद पता लगाया है कि वायरस के रूप में कोविड-19 मौजूद नहीं है, बल्कि यह सब एक बहुत बड़ा ग्लोबल घोटाला है। लोग असल में "ऐमप्लीफाईड ग्लोबल 5G इलैक्ट्रोमैगनेटिक रेडिएशन (ज़हर)" के कारण मर रहे हैं।*इटली के डॉक्टरों ने विश्व स्वास्थ्य संगठन (WHO) के कानून का उल्लंघन किया है,जो कि करोना वायरस से मरने वाले लोगों के मृत शरीर पर आटोप्सी (पोस्टमार्टम) करने की आज्ञा नहीं देता ताकि किसी तरह की वैज्ञानिक खोज व पड़ताल के बाद ये पता ना लगाया जा सके कि यह एक वायरस नहीं है,बल्कि एक बैक्टीरिया है जो मौत का कारण बनता है, जिस की वजह से नसों में ख़ून की गाँठें बन जाती हैं यानि इस बैक्टीरिया के कारण ख़ून नसों व नाड़ियों में जम जाता है और यही मरीज़ की मौत का कारण बन जाता है।इटली ने इस वायरस को हराया है,ओर कहा है कि "फैलीआ-इंट्रावासकूलर कोगूलेशन (थ्रोम्बोसिस) के इलावा और कुछ नहीं है और इस का मुक़ाबला करने का तरीका आर्थात इलाज़ यह बताया है……..*ऐंटीबायोटिकस* (Antibiotics tablets}*ऐंटी-इंनफ्लेमटरी* ( Anti-inflamentry) और*ऐंटीकोआगूलैटस* ( Aspirin) को लेने से यह ठीक हो जाता है।ओर यह संकेत करते हुए कि इस बीमारी का इलाज़ सम्भव है ,विश्व के लिए यह संनसनीख़ेज़ ख़बर इटालियन डाक्टरों द्वारा कोविड-19 वायरस से मृत लाशों की आटोप्सीज़ (पोस्टमार्टम) कर तैयार की गई है। कुछ और इतालवी वैज्ञानिकों के अनुसार वेन्टीलेटर्स और इंसैसिव केयर यूनिट (ICU) की कभी ज़रूरत ही नहीं थी। इस के लिए इटली में अब नए शीरे से प्रोटोकॉल जारी किए गए है ।CHINA इसके बारे में पहले से ही जानता था मगर इसकी रिपोर्ट कभी किसी के सामने उसने सार्वजनिक नहीं की । कृपया इस जानकारी को अपने सारे परिवार,पड़ोसियों, जानकारों,मित्रों,सहकर्मीओं को साझा करें ताकि वो कोविड-19 के डर से बाहर निकल सकें ओर उनकी यह समझ मे आये कि यह वायरस बिल्कुल नहीं है बल्कि एक बैक्टीरिया मात्र है जो 5G रेडियेशन के कारण उन लोगो को नुकसान पहुँचा रहा है जिनकी रोग प्रतिरोधक क्षमता बहुत कम है । यह रेडियेशन इंफलामेशन और हाईपौकसीया भी पैदा करता है। जो लोग भी इस की जद में आ जायें उन्हें *Asprin-100mg* और *ऐप्रोनिकस या पैरासिटामोल 650mg* लेनी चाहिए । क्यों…??? ….क्योंकि यह सामने आया है कि कोविड-19 ख़ून को जमा देता है जिससे व्यक्ति को थ्रोमोबसिस पैदा होता है और जिसके कारण ख़ून नसों में जम जाता है और इस कारण दिमाग, दिल व फेफड़ों को ऑक्सीजन नहीं मिल पाती जिसके कारण से व्यक्ति को सांस लेने में दिक्कत होने लगती है और सांस ना आने के कारण व्यक्ति की तेज़ी से मौत हो जाती है।इटली के डॉक्टर्स ने WHO के प्रोटोकॉल को नहीं माना और उन लाशों पर आटोप्सीज़ किया जिनकी मौत कोविड-19 की वजह से हुई थी। डॉक्टरों ने उन लाशो की भुजाओं,टांगों ओर शरीर के दूसरे हिस्सों को खोल कर सही से देखने व परखने के बाद महसूस किया कि ख़ून की नस-नाड़ियां फैली हुई हैं और नसें थ्रोम्बी से भरी हुई थी,जो ख़ून को आमतौर पर बहने से रोकती है और आकसीजन के शरीर में प्रवाह को भी कम करती है जिस कारण रोगी की मौत हो जाती है।इस रिसर्च को जान लेने के बाद इटली के स्वास्थ्य-मंत्रालय ने तुरंत कोविड-19 के इलाज़ प्रोटोकॉल को बदल दिया और अपने पोज़िटिव मरीज़ो को एस्पिरिन 100mg और एंप्रोमैकस देना शुरू कर दिया। जिससे मरीज़ ठीक होने लगे और उनकी सेहत में सुधार नज़र आने लगा। इटली स्वास्थ्य मंत्रालय ने एक ही दिन में 14000 से भी ज्यादा मरीज़ों की छुट्टी कर दी और उन्हें अपने अपने घरों को भेज दिया।*स्रोत: इटली स्वास्थ्य मंत्रालय*
Posted by Rupendra Singh on Saturday, 12 September 2020

अर्काइव्ह लिंक

पडताळणी:

‘चेकपोस्ट मराठी’ने (italy autopsy covid19) दाव्यातील एकेका मुद्द्यावर व्यवस्थित पडताळणी केली. त्यात जे गवसले ते पुढीलप्रमाणे-

दावा १: इटलीने WHOच्या नियमावलीचे उल्लंघन करत कोरोनामुळे मृत्यू झालेल्या रुग्णाचे पोस्टमॉर्टम केले.

पडताळणी: ‘जागतिक आरोग्य संघटना’ म्हणजेच ‘WHO’ने २४ मार्च रोजी कोरोना विषाणूमुळे मृत्यू झालेल्या रुग्णाच्या शवाचे काय करावे, त्यास कशापद्धतीने हाताळावे याचे काही सल्ले दिले आहेत. हे सर्व सल्ले आहेत ‘सूचना’ किंवा ‘आदेश’ नाहीत. कारण WHOही मदतगार संस्था आहे. तिला आदेश देण्याचे किंवा कायदे बनविण्याचे अधिकार नाहीत.

तर त्या सल्ल्यांत शवाची पॅकिंग कशी करावी पासून त्याचे अंतिम संस्कार कसे करावेत याविषयी काही सल्ले आहेत. त्यात कुठेही ‘पोस्टमॉर्टम’ करू नये असा नियम लिहिलेला नाहीये.

दावा २: हे सर्व ‘व्हायरस’मुळे नव्हे तर ‘बॅक्टेरिया’मुळे घडते आहे.

पडताळणी: नाही, संशोधनाअंती हेच समोर आले आहे की शरीरातील हे सर्व बदल ‘व्हायरस’मुळे घडत आहेत. किंबहुना या व्हायरसच्या जीनोम स्ट्रक्चरचा सुद्धा अभ्यास करण्यात आला आणि हा इतर व्हायरसपेक्षा वेगळा असल्याचेही विविध संशोधनातून समोर आले आहे. हा Severe Acute Respiratory Syndrome Coronavirus म्हणजेच ‘SARS CoV’ फॅमिली मधला असला तरीही हा नव्या सिक्वेन्सचा असल्याने त्यास ‘SARS CoV-2’ असे संबोधले जात आहे. म्हणूनच तो केवळ ‘कोरोना व्हायरस’ म्हणून नव्हे तर ‘नॉव्हेल कोरोना व्हायरस’ म्हणून ओळखला जातोय.

दावा ३: बॅक्टेरियामुळे रक्तात गाठी होतात आणि रक्त अडून राहते आणि रुग्णाचा मृत्यू होतो.

पडताळणी: वरच्या पडताळणीमध्ये हे सिद्ध झाले आहे की या सर्वस कारणीभूत ‘बॅक्टेरिया’ नसून ‘व्हायरस’ आहेत. परंतु हे खरे आहे की या रोगात रुग्णाच्या रक्तात ‘थ्रोम्बोसीस’ म्हणजेच गाठी तयार होऊ शकतात. NCBIने पब्लिश केलेल्या रिसर्च पेपरनुसार ICU कंडीशनपर्यंत पोहचलेल्या ३१% रुग्णांत या गाठी आढळून आल्या आहेत. त्यांनी इतरही रुग्णांवर या दृष्टीने लक्ष देण्याचा सल्ला दिलाय.

दावा ४: बॅक्टेरिया ‘5G रेडीएशन’मुळे पसरत आहेत.

पडताळणी: एका ब्रिटीश वेबसाईटने यावर सविस्तर रिपोर्ट केला आहे. त्यात ते म्हणतायेत ”5G नेटवर्क’ हे अगदीच नवे तंत्रज्ञान आहे. आजवर केवळ ३४ देशांत हे नेटवर्क आहे. परंतु कोरोनाव्हायरस केसेस असणारे १८१ देश प्रकाशात आले आहेत.’ म्हणजेच या रोगाच्या फैलावाचा आणि ‘5G नेटवर्क’चा काहीएक संबंध नाही.

corona virus and 5G network checkpost marathi — Source: Verdict.co.uk

दावा ५: Aspirin 100 mg हे औषध घेतल्यास यातून वाचू शकतो.

पडताळणी: Aspirin हे ‘ब्लड थिनर’ म्हणजेच रक्त पातळ करण्यासाठी उपयोगी असल्याने व्हायरल दाव्यात त्याचा उल्लेख केलेला आहे. कोरोना विषाणूसोबत लढताना केवळ रक्त पातळ करणे हा एकच महत्वाचा अजेंडा नाही. या व्यतिरिक्तसुद्धा लक्षनांवर इलाज होणे अत्यावश्यक असते. WHO आणि तज्ज्ञांच्या अभ्यासात अजूनही कोरोनाचा एकमेव असा कुठला रामबाण ईलाज सापडला नाही.

‘इटालियन मेडिसिन्स एजन्सी’ने सुद्धा कोव्हीड१९ रुग्णांच्या उपचारासाठी जी नियमावली बनवली आहे त्यात लक्षणे आणि वयानुसार औषधे कोणती वापरावीत याचे मार्गदर्शन केले आहे. यामध्ये कुठेही Aspirin चा उल्लेख आढळून येत नाही.

किंबहुना भारताच्या माहिती आणि जनसंपर्क संचालयाने सुद्धा हा Aspirin च्या उपचारपद्धतीचा दावा निकालात काढलाय.

Claim- A widely circulated video on social media claims that #Covid19 is a bacteria & which can be treated with aspirin#PIBFactCheck– This is #Fake. Coronavirus is a virus and there is no specific medicinal cure available yet. pic.twitter.com/ESPzEZ6WgT
— PIB Fact Check (@PIBFactCheck) June 4, 2020

वस्तुस्थिती:

‘चेकपोस्ट मराठी’च्या पडताळणीमध्ये व्हायरल दावा निखालस खोटा, दिशाभूल करणारा आणि अशास्त्रीय असल्याचे समोर आले आहे. WHOने मृतकाचे शवविच्छेदन करू नये असा कुठलाही नियम सांगितला नाही. ना इटलीला या रोगामागे कुठला ‘बॅक्टेरिया’ सापडलाय. (italy autopsy covid19)

‘आयसीयु’ कंडीशनला पोहचलेल्या ३१% रुग्णांच्या रक्तात गाठी झाल्याचे आढळले आहे परंतु याचा कुठल्या ‘बॅक्टेरिया’शी किंवा ‘5G नेटवर्क’शी काहीएक संबंध नाही.

कोरोना व्हायरसचा संसर्ग झालेल्या रुग्णांवर एक कुठले रामबाण औषध अजूनही तयार झालेले नाही. प्रत्येक रुग्णाच्या वय आणि लक्षणानुसारच उपचार चालू आहेत.

हेही वाचा: चीनमध्ये ३ धरणे फुटून प्रलय आल्याचे दाखवण्यासाठी वापरला जातोय ९ वर्षे जुना व्हिडीओ!