Press "Enter" to skip to content

काँग्रेस प्रवक्त्याने लाईव्ह टीव्हीवरील चर्चेत केले पंतप्रधान नरेंद्र मोदींचे कौतुक?

सोशल मीडियावर एका चर्चेचा व्हिडीओ व्हायरल होतोय. व्हिडिओमध्ये चर्चेच्या पॅनेलवरील एक व्यक्ती पंतप्रधान नरेंद्र मोदी (Narendra Modi) यांच्यावर कौतुकाचा वर्षाव करताना बघायला मिळतेय. दावा केला जातोय की ही व्यक्ती काँग्रेसचा प्रवक्ता आहे.

Advertisement

“वाराणसी काशी विश्वनाथ मंदिर के भव्य निर्माण पर जब कोंग्रेस प्रवक्ता से पत्रकार ने पूछा क्या नरेन्द्र मोदी जी मुकाबला राहुल गाधी से कर सकते है कोंग्रेस प्रवक्ता ने मोदी जी के बारे में कहा वो सुनिए” अशा कॅप्शनसह हा व्हिडीओ शेअर केला जातोय.

अर्काइव्ह

पडताळणी:

व्हिडीओ व्यवस्थित बघितला असता ‘फर्स्ट इंडिया न्यूज’चा लोगो बघायला मिळतोय. याआधारे व्हिडिओचा शोध घेण्याचा प्रयत्न केला असता ‘फर्स्ट इंडिया न्यूज’च्या युट्यूब चॅनेलवर आम्हाला संपूर्ण चर्चेचा व्हिडीओ बघायला मिळाला.

‘फर्स्ट इंडिया न्यूज’च्या 14 डिसेंबर 2021 रोजीच्या चर्चेतील हा व्हिडीओ आहे. संपूर्ण चर्चेतील 55 मिनिटे 36 सेकंद या वेळेवर व्हायरल क्लिपमधील प्रश्न आणि त्याचे उत्तर बघायला मिळतेय. प्रश्नाचे उत्तर देणारी व्यक्ती काँग्रेस प्रवक्ता नसून चॅनेलचे प्रमुख जगदीश चंद्र आहेत. चर्चेच्या सुरुवातीलाच अँकरने त्यांचा परिचय करून देताना ते चॅनेलचे प्रमुख असल्याचे सांगितले आहे.

‘फर्स्ट इंडिया न्यूज’च्या ट्विटर हँडलवरून यापूर्वी देखील जगदीश चंद्र यांचे व्हिडीओ ट्विट केले आहेत. त्यात ते चॅनेलचे प्रमुख असल्याचे सांगण्यात आले आहे.

वस्तुस्थिती:

‘चेकपोस्ट मराठी’च्या पडताळणीमध्ये स्पष्ट झाले आहे की सोशल मीडियावरील व्हायरल व्हिडिओमध्ये पंतप्रधान नरेंद्र मोदी यांच्यावर कौतुकाचा वर्षाव करणारी व्यक्ती काँग्रेस पक्षाचे प्रवक्ते नसून ‘फर्स्ट इंडिया न्यूज’ या चॅनेलचे प्रमुख आहेत. त्यांचा काँग्रेसशी काहीही संबंध नाही.

हेही वाचा- पावसाच्या पाण्याने भरलेले हे कपड्याचे शोरूम बोरिवलीतील नाही!

(तुम्हालाही एखाद्या बातमीच्या खरेपणावर संशय आहे? एखादा फोटो किंवा व्हिडीओ चुकीच्या माहितीसह व्हायरल होतोय असे वाटतेय? मग अशी संशयास्पद माहिती आमच्या (9172011480) या अधिकृत व्हाट्सएप नंबरवर पाठवा. आम्ही तुमच्यासाठी बातमीची सत्यता पडताळू.

आपण फेसबुकट्विटर आणि इंस्टाग्रामच्या माध्यमातून देखील आमच्याशी जोडले जाऊ शकता)

More from राजकारणMore posts in राजकारण »

Be First to Comment

    Leave a Reply

    Your email address will not be published.

    × न्यूज अपडेट्स मिळवा